Un PROFETA per GRADO Piero Canaro



Pietro Marchesan, detto popolarmente “Piero Canaro”, è uno dei tanti personaggi della nostra Isola che ha lasciato traccia di se attraverso le parole delle sue canzoni. Le componeva scegliendo musiche e tracce musicali già note plasmandoci sopra i testi, che rappresentano tuttora uno spaccato straordinario della Grado degli anni trenta con venature profetiche (i Progeti) e attuali (la miseria). Ovviamente di là di una ristretta cerchia di persone ormai al di là con gli anni non lo ricorda nessuno.
Mi pare giusto che questa rubrica apra con il ricordo del suo essere stato ‘graisan’ attraverso una miscellanea di sue canzoni cantate tuttoggi a Grado a distanza di settantanni.






LE ANCIUGHERE

Semo dute de fabrica,/ tanto brute che bele
e spelemo sardele/ che xe ‘l nostro mistier.
Semo dute contente,/femo duto un bordelo
e col nostro cortelo/ co’ la ponta sempre in sù.

Rit. : Mamole, spelà sardele no’ xe disonor,
mamole, a cantussando se và vanti col lavor,
mamole, col fassoleto bianco rosso e blù,
cantemo fin che vose no ne vemo più


Co’ ste machine moderne/ no xe gnanche un stagnìn
e ne passa ‘l morbin/ de la granda passiòn..
Passeggiando per piassa/ duti disocupai,
co’ la testa bassa/ maledindo ‘l destìn.














I PROGETI - (1927)


A Gravo in futuro se stemo ai progeti,
varemo un paese de i più perfeti;
vignarà fato un mucio de spese:
case, casete e quaranta ciese .....

Vile, vilete coi gratacieli,
parchi e giardini coi fiuri più beli!
Co piere vecie, croste e robassa,
fora del porto sorze ‘na piassa!....

Vapuri e batele i ‘ndarà a monte
perchè vien fato un grando ponte:
distrute le barche, binzine e “Beleno”
torno de Gravo corarà ‘l treno!....

In là de i bagni, in prima vista,
vignarà fato granda una bisca;
e là de ‘l Squero, sigonda de i piani,
un angar vien fato per sento ìroplani!....

Più vien le tende in gabardin,
la spiaza longa fin Ponta de Spin,
da i altoparlanti de sora ‘l coverto,
fora le pirie vien al conserto....

Ma me che son comò Tomaso
e che no’ i creo se no’ l’è sul naso;
penso che intanto de tanta bondansa
solo ne resta ‘na granda speransa.


* Gravo futuro singondo i progeti
vignarà fato un monnte de cessi,
e drio dei pini e drio dei talpuni
un tribunal co’ sento prezuni.












INVERNO e ISTAE a GRAVO

E adesso che vien l’inverno
che i lo ciama al vero inferno
co’ quel vento, co’ quela buora
co’ i fondeli sbregai sempre fora:
scarpe rote in general
e le femene sensa siàl;
al naso rosso, la pansa svoda
xe una moda che la fa passion.

Rit. Intanto ste famegie le va senpre pezo
de disocupai ne xe un milion e mezo.
I dixe per intero, no sè se xe vero
che Gravo xe belo, ‘l xe morto de fame.

Ma l’istae xe diferente
nasse Gravo co’ la so’ zente,
quel fa ‘l cogo, quel pasticer,
cololtro petola per camarier:
e le mare fa le bagnine
e le figie le signorine;
duti lavora, duti i guadagna
xe la cucagna de la stagion.

Rit. Intanto ste famagie le va senpre megio
de disocupai no ne xe gnanche mezo.
I dise per intero, no’ sè se xe vero
che Gravo xe belo, ‘l xe cargo de bori.





AL CASONER (1930)

Schile, gamberi e pesse novelo,
co’ xe sera ‘npinisso ‘l burcelo;
e lo vendo a fior de la recia,
a la mantina co’ riva ‘l pessèr.

Son zovene forte, son zovene stagno,
dò polente al giorno me magno:
la mantina me vesto bonora,
e co’ la vata vago in palù.

Rit. Che sufia vento o piova son senpre ravagiào,
son senpre san e forte e no son mai malao:
che bel mistier!
Eviva, eviva, eviva al casoner!
Eviva, eviva, eviva al casoner!


Son moro de viso, son bruto ordenario,
ma lo stesso fra poco me mario:
è lo stesso un cuor che me ama,
magari bruta, ma nata a cason!

No vego l’ora che vegna sabo
in batelina me vegno a Gravo:
e se cato la conpagnia ...
in ostaria me bevo un litron.





SE CALOMBA la MISERIA

Fistia vento buora e piova
tanto in piassa e in portanova,
no’ xe un’anema che passa
par che Gravo se squancassa.

E adesso, seria seria se calomba la miseria,
lavuri no xe in vista, bori no se ne ‘quista.
Duti, xe lustri, fa puf per le boteghe:
adio , adio stagion,
tu son ‘ndagia in tombolon.

E serti per no disperasse
i va catà le peverasse:
i ne ciapa poco o assai
no i xe mai disopcupai.
E se i ciapa garghe lira,
i và tosse de fumà:
tira e mola, mola e tira
i s’ha fato la zornà.


E adesso, seria seria se calomba la miseria,
lavuri no xe in vista, bori no se ne ‘quista.
Duti, xe lustri, fa puf per le boteghe:
Senpre ‘legri e mai passiòn,
tornarà anche la stagiòn.



MINIGHINA e COLO’

Sul reparo xe dò: “Minighina e Colò”
Ciapai strinti a brassacolo, duti dò in confusion.
Elo dise: amor, tu m’ha tolto ‘l gno cuor.
Ela sbassa la testa, brontolando cussì:
Va là, va là balòlo tu son capòn,
Dame de intende a me no xe rezòn,
T’è visto l’oltra sera co’ ‘na furlana
E tu ne ganbi sete a la setemana,
E tu t’ha ‘l cuor tagiào in mile fete
Sarave megio che tu ‘ndissi prete,
No’ tu saravi tanto delinguente:
Te volarave ben duta la zente.

Ganbiaravo ‘sto vissio e faravo giudissio
Se catesso una mamola che la fossa cussì:
Bela comò ‘na stela del paradiso,
Do oci pitosto scuri ma bianca in viso,
* che no’ la vaga tanto a torsiolando,
* che no’ la vaga tanto a remengando,
Che l’ebia almeno do busi del sovo
E la pignata che boge là sul fogo.
Che no’ la sia tanto ignorante,
Che sia un bel tipo snelo e ‘legante.


AMOR, AMOR

Me son de Gravo e donca graisana,
me son de Gravo e donca graisana.
Comò do merli se vemo inamorao
de le to’ senbianse son restào incantào.

Rit. Amor, amor: no’ xe pur serto brodo de fasioi,
e domandèghelo a duti i ‘namorai
se ‘co l’amor no se pol a ‘ngrumà fioi,
no xe pur zerto brodo de fasioi.

La prima volta t’è visto sul reparo
longa e stichìa comò un bacalao.
Si che me recordo: svodevo la mastela,
col cuor sincero tu me ha sussurao.

Rit. Amor, amor: ..........
..............................

Me gero duto molo e tacaisso
comò un sòreso duto negao,
ma co’ l’ardor de la to’ fiama,
in t’un momento tu me ha sugao.

Rit. Amor, amor: ..........
..............................

La sul reparo co’ la masteleta
fra una strucada e un pissigòn:
de la mastela cageva la giosseta
e sussureveno: amor, amor.

Rit. Amor, amor: ..........
..............................

Tu te recordi la sera su le scale:
si che me recordo feveno l’amor,
drio de la porta tu vivi la mastela,
e una to’ caressa m’ha ghitao in savor.